عفاف الغربي تكشف عن سرّ بينها وبين سامي الفهري :”هذا الي عملو معايا.. وهو رجل في زمن قل فيه الرجال”

في تدوينة نشرتها على حسابها عبر موقع التواصل الاجتماعي، روت الإعلامية عفاف الغربي موقف مؤثر جمعها بالإعلامي سامي الفهري المودع بالسجن في قضية كاكتوس برود.
حيث قالت عفاف الغربي”مرة في الصباح تليفوني رن رقم ما نعرفوش ، هزيت نلقاه سامي الفهري ، استغربت خاطر الحقيقة علاقتي بيه مش قريبة برشة و مهنية لأبعد الحدود و ما نخدمش في قناتو .. سلم عليا و حكى معايا ببرشة تربية و احترام ، قالي راني في المونتاج و البارح سجلت مع “ضيفة” من الضيوف قالت في وسط حديثها اللي انتي وراء خروجها من الراديو و برشه كلام قالي ما نجمتش انصدقو فطلبتك بش نفهم منك و انا عندي ثقة في مصداقيتك و مهنيتك ، شكرتو و فسرتلو و سلمنا على بعضنا و انتهت المكالمة .. طبعا تم حذف كل ما تجرأت به المدعوة من كذب و إفتراء دون ان أطلب منه ذلك .. شفتو علاش سامي الفهري كي يبدا في ضيقة الزملاء كل و الفنانين كل تاقف معاه و ما يقولو فيه كان الباهي .. خاطرو #راجل في زمن قلت فيه الرجولة (نفس هذا التصرف زاده صار مع زميلي المحترم هادي زعيم ) كل واحد يجبدو فعلو.”