ردت الاعلامية بية الزردي على تصريحات خولة سليماني مؤخرا التي اكدت فيها ان الأولى قبلت العمل بدون مقابل في مسلسل قلب الذيب الذي تم بثه على القناة الوطنية الاولى في شهر رمضان.
و قالت الزردي خلال بداية برنامج “جودي تو” ، خولة تكذب في الي قالت الكل إلا حكاية العقد صحيح ما كانش عندي عقد معاهم و الحكاية مفبركة بشهادة المخرج و فريق الانتاج و بسام الحمراوي و يوضح صحيح انا ما ناقشتش العقد”.
و اضافت قائلة ” انا عملت معاها الخير علاش تكذب عليا و تعمل معايا هكا” قبل ان توضح بالقول ” خدمت و صورت معاهم لوجوه الصباح وقت اقتراح عليا بسام الظهور في الجزء الأول علا اساس باش يكون عندي 4 مشاهد و وعدني انو في الجزء الثاني باش يكون عندي دور قائم الذات”.
و اكدت انها ساعدت خولة في ان تكون متواجدة في برنامج “الي بعدو” موضحة بالقول ” جاتني تبكي و قالتلي نحب نكون موجودة معاكم في برنامج “الي بعدو” انا كلمت المسؤول على الانتاج في البرنامج و طلبت منو انو خولة تكون موجودة معانا في البرنامج و ما سمعتش منها حتى كلمة شكرا و تقلبت عليا و أعلنت علي الحرب بتصرفاتها و تصريحاتها”.
