بعد اتهامات «الإيحاءات الجنسية»: نوفل الورتاني يعتذر ويوضح‬

‫نشر الاعلامي نوفل الورتاني فيديو على حسابه في موقع أنستغرام تحدث خلاله عن الجدل الذي رافق لعبة في برنامج «ديما لاباس» سهرة السبت الفارط على قناة التاسعة، والتي تضمنت اتهامات بوجود «ايحاءات جنسية»… ‬
‫الورتاني ردّ على الدعوات لإيقاف الحصة بالقول: البوليميك كبرت بطريقة مبالغة فيها شويا في لخر هي فيديو تدوم 3 ولا 4 دقايق تعدات في حصة تدوم أكثر من 4 سوايع … لعبة ماحقهاش صارت وكلام تأول بالغالط مقصدنا بيها شي وفما تصاور هبطو في زوايا معينة خلاو الناس تفهم بالغالط … صحيح النقد مبالغ فيه لكن نعتذر وهي لعبة عملناها باش نكسروا بيها الريتم متاع برنامج حواري وترفيهي لازم شويا ألعاب … حطان اللعبة هذيكا تفهم بالغالط ونعتذر ونعتبر إنو غلطة ونعتذر من كل واحد بعثلي نقد وكلمني … هو فيديو 3 دقايق في برنامج مينجمش يطيح كل شي في الماء وهو اختيار غالط مني ومن فريق الإعداد وماحقناش لعبنا اللعبة هذيكا … أنا نعتذر لكن 3 دقايق مينجمش يفسد حصة تمشي عندها 10 سنين ومايستحقش البوليميك هاذي الكل وكي نشوف عالفايسبوك والانستغرام حسيت كارثة صارت وهي غلطة متاع إختيار غالط متاع لعبة وفما ناس فرد دومان ومايحبونيش استغلوها ويكبروها … نعتذر على اللعبة وشكرا على الثقة وأحنا ديما نخدمو حتى كان نغلطو نخدموا باش نصلحوا غلاطنا وباش نزيد نخدم أكثر….‬