ردت الفنانة الاستعراضية نجلاء التونسية على عارضة الازياء ليلى بن خليفة التي كانت قد صرحت سابقا ان هذه الاولى من الأكيد أنها لا تعرفها لأنها طيلة حياتها لم تتواجد في أي “عرض ازياء او اسبوع موضة”.
و قالت نجلاء خلال استضافتها في برنامج “عبدلي شو” على قناة التاسعة ، مساء امس الخميس ، “هي قالت هكا بسبب تصريح ليا مع هادي زعيم قلت فيه الي انا إسمي أكبر من ليلى بن خليفة و انو في تونس الناس تعرفني أكثر و يعرفوهاش و اذا هي تقول الى نجلاء طلعت بالحصان نقلها الى نجوى كرم و عاصي الحلاني و فارس كرم علموا كليبات مع الحصان حتى شاكيرا عملت كليب مع برشا حصنة”.
و تابعت قائلة “انا مش مشكلتي اني صورت مع حصان هو حيوان خلقوا ربي ، اما ليلى بن خليفة باش تعرفت ما هي عملت برنامج تلفزيون الواقع في فرنسا هي و واحد تحت ملحفة و نعاود و نقلك انا أشهر منك و كان تهبط للشارع التونسي و تسأل الكلهم يعرفوني اكثر منك”.
و اضافت بالقول “و عندك الحق كي تقول عمري ما مشيت لفاشن ويك و ديفيلي و حتى كان نمشي مانيش باش نشوفك خاطر عمري ما ريتك تعمل في عرض ازياء ، انا نعرف حجم روحي ، هي حسستني كي تحكي كاينها دليلة مفتاحي في التمثيل و عندها دكتورا دولة”.
و حول ان كانت تهاجمها من أجل أختها عارضة الازياء عزة سليماني قالت “اش جاب طز لحمدلله ، أختي خدمت مع أشهر دور عرض الأزياء العالمية و حتى في العمر ما يتقارنوش”.
نجلاء التونسية لليلى بن خليفة : أنا تعرفت بالحصان أما انت تعرفت انت و واحد تحت الملحفة
آخر الأخبار
الجريدة كوم، مجلة إخبارية جامعة تهتم بالشأن التونسي خاصة والعالمي عامة..